Los fayeos de mayo

(início)

INTRO: C
                    Am
Les lluces de la ciudá
                     F
llíndienme cabo la mar
                     C
hasta la playa balera
                     F
onde’l carbón y l’arena
                     G
s’abracen una vez más.
                     Am
El presente queda atrás,
                   F
presu del atapecer.
                  C
Pasen sieglos nun momentu,
                 F
y oigo como nun llamentu
                G
la voz de la soledá.
                 C
Andarina, vienes tarde,
                 G
andarina, vienes tarde,
F                C
vistida de sol y orbayu,
                G
traes oro, plata traes
F            C
a los fayeos de mayo.
               Am
Pente ñubes de robín,
                   F
siento l’alma mineral,
                   C
trabayada en desengaños,
               F
apagada como’l faro
                   G
d’una mar d’escoria gris.
            Am
Fatigáu del camín,
                 F
engurriáu pol bramar
               C
d’innumerables hibiernos,
                 F
suaño los díes eternos,
                    G
espierto en nueches sin fin.
                C
Andarina, vienes tarde,
                G
andarina, vienes tarde,
F              C
esllumando como’l rayu,
                 G
risca l’alba d’esmeralda
Dm          Am
pelos fayeos de mayo,
F            C
pelos fayeos de mayo.
                    Am
Pente calles de cristal,
                      F
trona’l cantu del nordés
                     C
con pallabres de poeta,
              F
evocándome una idea,
                   G
tresportándome al llugar ...
                 Am
... onde ñaguo volver,
                    F
ente los montes del sur,
                     C
onde vuela’l sitiu míu,
                   F
onde too tien sentíu,
                   G
onde soi quien quiero ser.
                 C
Andarina, vienes tarde,
                 G
andarina, vienes tarde,
F                C
endolcada nel to cantu.
               G
Yá relluma la rosada
Dm              Am
pelos fayeos de mayo,
F             C
pelos fayeos de mayo.
                     Bm
Cuántes promeses traxeras
                 C
con aquella primavera
                G
y marcharon col verano.
                Dm
Llevóme la vida entera
              Am
regresar a la to vera
F              C
y a los fayeos de mayo.
                 C
Andarina, vienes tarde,
                 G
andarina, vienes tarde,
F                C
vistida de sol y orbayu.
                G
Yá ye tiempu que descanses
Dm               Am
so los fayeos de mayo.
                 C
Andarina, vienes tarde,
                 G
andarina, vienes tarde,
F                C
esllumando como’l rayu.
                 G
Risca l’alba d’esmeralda
F            C
pelos fayeos de mayo.